時為統一歷102年近冬，正值以英格蘭為首嘅歐洲聯合王國同以佔據了幾乎整個亞洲大陸嘅羅斯帝國嘅正面戰爭火熱時期，第一年嘅時候，歐國人沉醉於政府煽動嘅愛國熱潮同自豪感當中；到了第二年，熱潮開始冷卻，開始意識到戰爭帶來嘅「附帶影響」；到了第三年，已經有不少人陸續習慣了，接受成為了一種日常。喺啊，即使係戰爭，即使有着大義，日子耐咗，熱情總會冷卻，大家就會意識到更現實嘅問題，亦會轉為關心返自己嘅日常。

或者應該話，戰爭已經成為了新日常。對於處於戰爭前線嘅居民而言，戰爭嘅殘酷係不言而喻嘅「新日常」，但對唔係前線嘅居民而言，開頭可能很亢奮，但日子耐咗，日子咪又係咁過。不同嘅係，可能有人通過參戰然後斷了個手腳，換取一家躍升小資階級；當然更多嘅係以自己嘅性命，換取家人躍升成為小資階級。

儘管如此，日常依舊，而世界依然轉動。

====

艾倫今年大概14、15歲左右，正值多愁善感又有少少反叛和理想嘅青春少艾時期。……哦，雖然用上「少艾」二字，但艾倫毋庸置疑係個男仔，不過因為佢哋屋企有點家底，雖然穿金戴銀就無啦，但通過把田地出租賺嘅錢都叫做能夠輕鬆度日嘅中產家庭，加上母親係當地也有點威望，所以成了當地「無冕貴族」，亦因此艾倫有着與同年少年不同嘅纖細白滑、婉約少女般嘅雙手，俊俏帶點可愛嘅臉容，以及如同深閨般的白滑皮膚。

雖然艾倫睇落去如此可愛又弱不禁風，但打起交來卻不是咩泛泛之輩。哦，你睇，在田野間艾倫同另一名差不多嘅少年起了爭執，口舌之爭拗不過人嘅艾倫忍不住動用了最原始嘅手段試圖「説服」對方。

「艾倫！」

「傑！」

被打嘅少年耐不住脾氣，擦了擦鼻血便又奉還一拳。

於是你一拳我一腳，一來一還從回合制慢慢變成了扭在一起嘅互毆。

周遭嘅人發現情況不妙嘅時候，慌忙叫來其他人幫拖，連忙把毆鬥中嘅兩人分開，並各自揾來家人帶走。

接到通知嘅艾倫母親慌張趕到現場，其母連忙道歉，左一句管教不嚴又一句多有得罪，姿態之低使得周遭嘅人不好意思講啲乜，加上平日嘅小恩惠，也慌忙反過來安慰「小朋友都喺咁啦」、「慢慢教啦唔好急」、「哎呀小朋友熱血過頭好常見啦」云云，違着心作着表面上嘅敷衍式道歉嘅場面實在有趣。

擾攘了差不多好幾分鐘後，慢慢彼此也拖着肇事當事人離開現場，待走離人羣，當事人自然免不了一番責罵。

「艾倫。」

「佢笑我哋先架！笑我哋咩不事生產，靠佢哋血汗錢先……」

「艾倫！」

「咁係啊嘛！阿媽你唔嬲嘅咩！」

「把口生係人哋度，咪有得佢哋講……無論點，我哋都喺斯文人，唔啱講到啱，使乜搞到喐手喐腳呢？」

「囁。」

嘴上功夫唔係艾倫嘅強項，甚至可以話係弱勢，實際説不過母親，只能咋舌以對。但艾倫確實不滿母親嘅溫吞，有事嘅時候只容忍退讓，點解唔可以正面反擊；而艾倫母親亦不解佢哋家庭叫做係斯文世家，以前從商有點錢，買下城市邊陲嘅鄉郊嘅邊陲小鎮希望寧靜過日，這小鎮嘅人也着實和善，不知道為何卻使得兒子性格長得如此衝動，好以武力解決問題。