於市中心一個偏角，有棟説不上高亦説不上低嘅大樓，係前台打過招呼之後，便直上20層嘅頂樓。

呢棟大樓底層有數層均用作商場，中和高層都喺而酒店名義經營，但有點點不同嘅係，中層嘅係傳統嘅酒店房間嘅格局，而高層則是以住宅格局組成嘅服務式住宅為主。

而位於頂樓嘅則似乎係大廈業主嘅住宅，把酒店頂樓整層打通組成一個超大嘅總統套房，不論幾多次睇都會感慨有錢真好。

而這位有錢人係下晝快5點仍然趴在牀上。

有錢真好。

「醒？」

「嗯……餓了。」

「咁我叫個外賣啦，反正我都差不多有啲餓了。」

「誒……我仲諗住你煮比我食。係暗戀緊嘅美少女陷入飢餓時候伸出援手嘅話，有助提高好感度架。」

「美少女應該不用食飯吧，咁我叫兩碗拉麵自己食好了。」

「啊……唔好，對唔住啦，幫我叫個炸雞拉麵set。」

「唔。」我係附近便利店買嘅雪糕放入雪櫃之後，默默係手機上用外賣app落好咗單，便隨意搵咗個地方坐低。

而個位自稱美少女——莉莉絲師傅終於慵懶地起身，去廁所刷牙洗面嘅同時，我用枱邊嘅nespresso出咗杯咖啡，睇住電視上好似好嚴肅嘅但其實點都無所謂嘅新聞慢慢等著。

「啊，乳酪雪糕！」梳洗過後似乎仲簡單沖咗個涼，着住單薄內衣褲就去雪櫃拎咗啱啱雪入去嘅雪糕。

「我叫咗外賣wo。」

「嗯？嗯！買咗十盒？」

「特價嘛，買多少少，而且新貨日期都ok長下，得閒上來都有得食。」

「哼……喺啦，魔術協會嗰邊有委託，封信係你後面張台。」

我轉身睇咗眼之後很快便估到，拎起一封鄭重封過蠟嘅信封問道。

嘛，仲會搞呢啲古董嘢都得返佢哋了。