吉爾斯法典聖國，在整個歐雅大陸上嘅宗教國家。以軍力同人口而言都稱不上有咩犀利，亦沒有乜嘢重要嘅資源或者名產，但儘管如此位處大陸中樞嘅法典聖國同時處於各大強權嘅交界處，在其他國家以資源、民族或者掠奪等各種目的互相以戰爭交朋友嘅多年動盪當中，法典聖國均能以中立嘅國家獨立存在，究其因由就喺其文化和宗教上嘅重要性，加上正正因為法典聖國本身冇乜重要嘅礦石等嘅稀缺天然資源，加上法典聖國本身國力有限但其國教在整個大陸具有強大嘅宗教影響力，權衡利弊之下歷代列強雖然都能輕易拿下法典聖國，但更多時係傾向籠絡而非侵略。

而作為其宗教嘅神話嘅源頭，對於該國家兼宗教來説可以話係其核心思想嘅來源——遠古時代體虛力弱嘅人類長期被巨人和精靈等「類人種族」所奴役，因為對比壽命悠長嘅巨人或精靈等種族來講，人類毫無疑問係有智慧而且壽命短但又繁殖速度快嘅優秀勞動機器，而當中奴役人類最嚴重嘅最大勢力，被稱為魔王嘅勢力更是對人類殘暴不仁，只視作人類為勞力嘅替代消耗品，更是人類們嘅仇恨主體。係呢個大背景下，唯一神揾上了當時對人類有所憐憫嘅精靈——吉爾斯擔任神使，以神嘅口諭和協助之下揾到了人類嘅勇者以及聖女，以三人為主力推翻了當時橫跨全個大陸嘅魔王政權，並擊殺了魔王。

在那之後，擺脱了奴役嘅宿命嘅人類們係神使、勇者和聖女帶頭之下建立了首個人類嘅國家——吉爾斯法典聖國，從此人類嘅人口就持續膨脹，經過不足千年，人類從末位嘅種族一下躍升為了大陸上最多人口嘅種族，而神使、勇者同聖女嘅形式亦持續變化地傳承了落來。勇者作為純粹嘅戰力象徵，非戰爭狀態下基本上不會任命，所以長期懸空；而神使很理所當然地成為法典聖國嘅首領兼法典聖教嘅領袖嘅名銜，而僅餘嘅聖女一職則通常由教會甄選，被選上嘅聖女亦會作為教會嘅門面四處巡迴，負責宣揚教義之餘亦負責擔任教會嘅門面，所以教會會傾向選擇純真簡樸嘅少女擔任聖女一位。

而露娜，係偏遠嘅鄉村出世，雖然有