道具已經準備好，演員已經就位，歷時十年以上嘅獨立戰爭將於明天開始，把一切事務確認完畢之後我閂咗通訊專用嘅電話，享受最後一夜難得安寧。
之後大概會有唔少人死去吧，不論敵我。大概會有唔少人痛失家園吧，不論善惡。在戰爭面前，善惡只係藉口，畢竟自己一定係善，敵人一定係惡，如果唔係咁，好多小朋友無法維持自己嘅理智，無法痛下殺手。
而我而言，敵我分別其實也唔係咁大，我哋都係為咗生存落去，謹此而已。
殖民主已經陷入衰敗，為了維持統治權威，中央政府已經不得不靠煽動民族主義來穩固內政了，甚至乎蔓延成了國際問題，列強以此作為藉口，再次攻伐分地亦係時間嘅問題。若果不予以切割，會連呢個殖民地也被打包在其中。
為了予以切割，為了保衛呢座城市，我只能咁做。
從有限嘅選擇中最好嘅選項，亦只能如此。
我刷牙洗臉後確認鬧鐘set咗係凌晨1點後，在對明天嘅期待和畏懼中交纏嘅思緒中緩慢陷入夢鄉。
………
……
…
醒來嘅係闊落、金碧輝煌嘅宮殿，風格係好歐洲式嘅皇宮，不過風格類似但又和現有嘅任何一個國家嘅風格唔同，真係玄妙。
周遭大概有十多個人好似我咁從皇宮中心嘅地板醒來，一樣慌張地環顧四周。
而再出去有好幾個全新覆面長袍，手持法杖嘅人圍住我哋。
而再出外圍大概有近百，全身盔甲嘅騎士戒備着瞓係地上嘅我哋。
話說胸前好重，而且視野高度唔同咗，聲線尖銳咗啲，唔係忽然變咗巨乳美少女之類嘅事件呀化？唉，唔好諗住先，總之呢啲等趁記得，幫自己上齊buff先。
「呼，睇來今次冇失敗到。」
大概把我哋放置數分鐘後，一名騎士脫下頭盔，向我哋打了聲招呼，「各位異域嘅勇者，首先我僅代表我國國王和公主致歉，因為我國嘅自私招致此等事態，但還請先行耐心解釋。」
之後等見我哋冇咩抗拒之後，騎士繼續說明，因為實在太長，簡要啲轉譯一番。
話說呢度嘅係名為艾多魯王國嘅國家，政治制度係以前好常見嘅皇室式君主制，大約百多年前魔王嘅降臨，並以希帝國名義攻打周邊國家，導致周邊國家不少都被併吞，最後人類僅餘兩個國家，其中一個就係呢個原本嘅邊境小國艾多魯王國。