所有嘅故事都有個開端，要敍述呢個故事嘅開端，就要回到某個夏天開始講起。
記得正值酷熱嘅七月，半個NEET嘅我（啫係Work from home啊），正在屋企吹着半壞而唔夠凍嘅冷氣，趕好咗當天要趕起嘅工作之後已經早上八點，乜都唔諗就whatsapp咗老細和同事一輪之後，決定上牀瞓覺。
而瞓醒之後，我發覺比人綁架到一間點睇都喺cult片先會出現嘅慳錢場景——一間四面白色一片，可視範圍內無燈但莫名其妙地光線充足，而且只有兩個人存在嘅狹窄一平方米房間。
「你好，未來嘅勇者——」
然後我請咗對面食咗個所有FPS遊戲入面嘅基礎魔術——震撼彈！
「啊等等我嘅耳仔……呀啊啊啊我眼——」
係對方悲鳴期間，我迅速冷靜咗落來，再次認真的環顧四周。
嗯，果然乜都無。咁就有點難辦啊，難得無力化咗綁架犯，結果周遭好似冇乜工具可以徹底無害化對方。
真令人頭痛啊——
「於是，作為理智又文明嘅現代人，請讓我仔細聆聽綁架犯嘅自白。」我放棄了以最原始嘅方法解決問題，以現代人理智又務實的態度，意圖通過談話商討，以文明嘅方式——談判來解決一起刑事案件。
「……嗚啊啊啊啊！」嗯，被無力化嘅綁架犯仍然在地上打滾，痛苦呻吟。雖然對方外觀係個年齡約12左右嘅蘿莉，從悲鳴中穿插嘅能判斷出大概係能以英語溝通嘅對象，但我絕對唔係，亦無任何猥褻嘅意思，絕對唔係享受緊呢個狀況嘅變態而刻意唔上前救助被我誤……被我無力化的窮兇極惡綁架犯。
大概打滾約數分鐘之後，綁架共犯似乎恢復了聽覺和視覺，然後冷靜了落來，和我一同面對面座在地版上，以現代嘅方式來尋求解決問題嘅方案。
「你好，未來嘅勇者啊——很可惜你已經喪生了，不過無需悲嘆，作為莉莉絲大人忠實信徒嘅——」
哦，呢個綁架犯除咗綁架我之外，仲擅自在腦內謀殺咗我，咁我升級一下武力，稍為用RPG遊戲入面嘅基礎魔術——火球燒一燒兇手也不算過分吧？
「等等等等——你雖然死咗——但——嗚哇！」
哦，美少女嘅白色連身衣點着咗，從腳根開始燃燒起來了！
「等——Element creation! Water!」